БЯЖЫ!

Гэта самы крыважэрны вораг навічкоў, у тым ліку, такіх, як я. Колькі ранераў-пачаткоўцаў ён заглынуў разам з красоўкамі! «Сёння неяк не хочацца» – гэткую думку ворагу галаве падкідвае спачатку нясмела. А потым зʼяўляюцца іншыя адгаворкі – ад кепскага надворʼя да добрага кіно па ТБ.

Як змагацца. Насамрэч, гэткія думкі не бяруцца з ніадкуль. Калі вы перапрацаваліся на папярэдніх трэнінгах, стома «накапілася», перманентны недасып – трэба ўрэшце выспацца, адпачыць. І вяртацца да трэніровак. І вельмі важна – лепш тры-чатыры разы на тыдзень зрабіць 5 км, чымся катаваць спусташальнымі 15-кіламетровымі забегамі па суботах і нядзелях.

Бегайце для свайго задавальнення, не выціскайце сябе, як цытрыну, калі вы не ставіце перад сабой прафесійных спартовых задачаў. Паверце, ніколі вам не прыйдзе ў галаву думка: «Эх, дарма выйшаў на трэнінг, дарма адарваў азадак ад канапы!»

Калі вам сумна, нецікава бегаць – трэба тэрмінова ўзбагаціць свае трэнінгі! Можна – любімай музыкай. Купіце сабе безправадныя навушнікі, ужо ёсць недарагія і лёгкія варыянты, якія злучаюцца праз блютуз з вашым смартфонам. Любімая музыка дадае працаздольнасці, падымае настрой і рэальна ўплывае на вынікі трэніровак!

Яшчэ можна трэніравацца разам з іншымі ранерамі, сваёй партнёркай / партнёрам, дзецьмі або аднадумцамі з бегавых клубаў (ды яшчэ пад наглядам трэнераў!).

Яны бываюць розныя. Адныя будуць бубнець вам на вуха рэчы кшталту «навошта гэта трэба», клапатліва папярэджваць пра небяспеку для сэрца (а вось як трэба бегаць, каб не ўшатаць сэрца). Іншыя, даведаўшыся пра вашую першую «дзясятку», пагладжваючы піўны мазоль будуць паблажліва распавядаць, як «у войску кросы па 25 км бегаў, з поўнай выкладкай».

Як змагацца? Не слухаць і рабіць сваё! Вы здзівіцеся, але шмат хто з такіх «дэматыватараў» вам у глыбіні душы зайздросціць. Не, не вашым лічбачкам, тэмпу і тэхніцы. А таму, што моцны настолькі, каб адарвацца ад канапы з тэлевізарам. А яны – не.

На святлафорах трэба спыняцца і збіваць праз гэта тэмп. Аўтааматары кожны раз спрабуюць вас пераехаць на пешаходным пераходзе. Пешыкі ўткнуўшыся ў смартфоны, лезуць пад ногі, гаспадары адпускаюць сваіх сабак на 5-мятровым павадку, перагароджваючы ўвесь тратуар. І г.д. Імя ім – легіён.

Але і мы, ранеры, шмат каго можам раздражняць. Выбірайце для трэніровак стадыёны, або вялікія, нешматлюдныя паркі.

А калі вы маеце машыну, то мае з дыстанцыямі больш за 15 км мэтазгодна нават рабіць трэніровачныя выезды ў лес, дзе будзе вам і спакой, і чыстае паветра, і добры настрой.

Спадарожнага ветру і лёгкіх ног!